Секторот за санитарна контрола повеќе од една деценија работи согласно имплементираниот  меѓународен стандард ISO/IEC 17025:2017 - Компетентност на лабораториите за тестирање и калибрирање. Овој систем за управување е интегриран со уште три системи за квалитет и тоа MKS EN ISO/IEC 9001:2015 и MKS EN ISO/IEC 17020:2012 - Барања за работењето на различни видови тела кои вршат инспекција,  МКС EN ISO/IEC 14001:2015 - Систем за менаџмент со животна средина и на крајот меѓу првите го има воведено системот за само-контрола врз основа на HACCP принципите.

Јавното претпријатие Водовод и канализација - Скопје има обврска според законската регулатива да го контролира квалитетот и капацитетот на водните ресурси што ги користи за водоснабдување на населението на Град Скопје. Овој факт ја иницирал потребата за формирање на контролна лабораторија во далечната 1964 год.

Со етапните трансформации, всушност се опишува полувековниот организиран тек на развој на лабораториите на Секторот за санитарна контрола, кои ја контролираат санитарната исправност на водата за пиење, при тоа задоволувајќи ги севкупните потреби на жителите на Град Скопје.

Секторот санитарна контрола како организациска целина на ЈП Водовод и канализација – Скопје, организациски е поделено во три одделенија и тоа: одделение - микробиолошка лабораторија, одделение хемиска лабораторија за питки води и одделение - хемиска лабораторија за отпадни води. Како организациска целина во Секторот е и одделението за санитарна контрола и одделението за прием на примероци, процесна аналитика и магацинско работење.

Постоењето на лабораториите го обврзуваат законските и подзаконските акти поради кои секое правно лице кое се занимава со произвотство на храна (каде припаѓа и водата) мора да има систем за самоконтрола врз основа на HACCP принципите и внатрешна контрола во своја акредитирана или во друга акредитирана лабораторија. (чл.2 и 5 од Законот за безбедност на храна Сл.54/02 и Правилникот за барања за безбедност и квалитет на водата за пиење (Службен весник на РМ, бр.183/18) и чл.5 од Законот за снабдување со вода за пиење и одведување на урбани отпадни води Сл. Весник на Р.Македонија бр.68/05).

Системот за управување е во согласност со принципите на стандардот за квалитет ISO/IEC 17025 и е развиен со цел да се промовира довербата во работењето на лабораториите. Барањата од стандардот се клучни за лабораториите да можат да демонстрираат дека работат компетентно и дека можат да генерираат валидни резултати.

Лабораториските активности се преземаат непристрасно и така структуирани и раководени се со цел да се обезбеди непристрасноста. Раководството на Секторот  за санитарна контрола е посветен на непристрасност и е одговорен за непристрасноста на своите лабораториски активности и во ниеден момент не дозволува комерцијални, финансиски или други притисоци да ја компромитираат непристрасноста. Лабораториите ги идентификуваат ризиците за нивната непристрасност на тековна основа. Ова ги вклучува оние ризици кои произлегуваат од нејзините активности, нејзините односи и од односите на нејзиниот персонал.

Исто така Секторот  ги почитува и принципите за доверливост, а воедно и преку законски извршни обврски, за управување со сите информации добиени или создадени за време на извршувањето на лабораториските активности.

Севкупниот персонал, вклучувајќи и членови на комисиите, изведувачите, персонал на надворешни тела или лица кои дејствуваат во име на Секторот за санитарна контрола, ги чуваат во доверливост сите информации добиени или креирани за време на извршувањето на лабораториските активности.

Сите барањата за компетентност за секоја функција што влијае врз резултатите од лабораториските активности, вклучувајќи ги и барањата за образование, квалификација, обука, техничко знаење, вештини и искуство се уредно документирани, со што на високо ниво се потврдува дека Секторот  за санитарна контрола има обезбедено персонал кој поседува компетентност да врши лабораториски активности за кои тие се одговорни и да ја евалуира значајноста на отстапувањата.

Активностите на лабораториите во Секторот за санитарна контрола се состојат во секојдневна контрола на водата  за пиење од 36 редовни мерни места и 50 периодични мерни места (одредени спрема бројот на еквивалент жители на градот Скопје), санитарно - хигиенска контрола и надзор над објектите за водоснабдување каде би ги споменале: каптажите, резервоарите, хлоринаторските и пумпените станици. Секако дека не треба да се запостави и фактот дека CСК врши контрола и на површински и на комуналните отпадни  води .

Од произлезените законски обврски, а и поради зголемената конкуренција на акредитирани лаборатории на кои главна дејност не им се акватичните системи без разлика дали се работи за детектирање на параметри кои ја даваат санитарната исправност на водата за пиење или вршат категоризација на површински и отпадни води (еколошки параметри) највисокото раковотство на Секторот за санитарна контрола, со подршка на највисокото раководство на ЈП Водовод и канализација, има акредитирано над триесет методи за тестирање.

Скопската вода низ бројки

Врз основа на секојдневниот мониторинг на квалитетот на водата за пиење од аспект на физичко-хемиски и микробиолошки анализи, можеме да заклучиме дека ЈП Водовод и канализација – Скопје испорачува на своите консументи санитарно исправен и квалитетен производ со непроменлив квалитет.