Екипите на ЈП Водовод и канализација – Скопје, во текот на изминатите денови покрај редовните теренски проверки и работни активности, интервенираа на неколку локации во градот, со цел непрекинато и квалитетно водоснабдување за скопјани, но и нормална и непречена функционалност на атмосферската и фекалната канализациона мрежа.

Се спроведоа активности за отстранување на дефекти на водоводната мрежа на ул. Гемиџиска, Бутелска, Ѓоре Ѓоревски во Радишани, ул. 1550, ул. Леринска, ул. Дрезденска, ул. Самоилова,  но и за реконструкција на водоводна линија на ул. Димо Хаџи Димов. 

Истовремено се спроведоа и активности за рачно чистење на сливници и шахти на ул. Пехчевска, ул. Сливовска, чистење на шахти со цистерна вакуум на бул. Илинденска, ул. Самоилова, одзатнување на шахти со цистерна по притисок на ул. Љуботенски пат, контрола на шахти и површинско чистење на сливници во Шуто Оризари, ул. Мице Козар, ул. Трифун Пановски, Мите Богоевски, Тодор Чангов, ул. Разлошка, кеј 13 Ноември, Расадник, бул. Партизанска и во Автокоманда. 

ЈП Водовод и канализација – Скопје продолжува посветено да работи на одржување на водоводната и канализационата мрежа во град Скопје, со цел зголемување на квалитетот на услугите за корисниците.