ЈП Водовод и канализација – Скопје, преку екипите на секторот Канализација, секојдневно и редовно спроведува работни активности за одржување на системот за одведување на атмосферска вода, односно атмосферската канализација.
Во текот на минатата недела се спроведени редовни активности за рачно и машинско расчистување на сливниците, шахтите и сите попречни решетки под подвозниците и клучните места во градот: бул. Србија, ул. Радишанска, ул. Александар Урдаревски, ул. Христофор Жефаровиќ, ул. Лазар Поп Трајков, ул. Христо Татарчев, ул. Самоилова итн.
Во рамки на овие активности се изведува рачно чистење на сливниците и шахтите, чистење на шахтите со употреба на цистерна – вакуум и цистерна под притисок, перење со хидранти, како и замена и поправка на оштетени сливници, капаци на шахти и поставување на нови.
ЈП Водовод и канализација – Скопје, продолжува со спроведување на активности со цел нормална функционалност на атмосферската канализација, целиот канализационен и водоводен систем, воопшто, со цел задоволување на потребите на своите корисници, граѓаните на град Скопје.