ЈП Водовод и канализација – Скопје посветено спроведува теренски работни активности за одржување на водоводната и канализационата мрежа во градот со цел зголемување на квалитетот на услугите за корисниците.

Екипите на сектор Канализација во текот на денешниот ден покрај редовните активности за расчистување на шахти, отпушување на атмосферски канализации и чистење на сливници и фекални шахти, спроведоа и дополнителни активности во рамките на акцијата за чистење на град Скопје.

Воедно апелираме до граѓаните корисници на канализациониот систем во град Скопје да се однесуваат одговорно и совесно, бидејќи истиот не претставува место за одлагање на секаков тип на отпад.