Екипите од сектор Канализација, согласно временската прогноза, покрај редовните активности, од утрово се на терен и спроведуваат дополнителни активности за контрола и расчистување на сливниците и шахтите, со посебен акцент на критичните точки на територијата на Град Скопје. 

Тимови распределени по реони работат на рачно и машинско чистење на сливниците и шахтите кои се дел од атмосферската канализациона линија, со цел овозможување на нејзина непречена функционалност.

Екипите на ЈП Водовод и канализација – Скопје остануваат подготвени и на терен во согласност со условите за навремена реакција за задоволување на потребите на граѓаните.