ЈП Водовод и канализација – Скопје посветено спроведува теренски работни активности за одржување на водоводната и канализационата мрежа во градот со цел зголемување на квалитетот на услугите за корисниците.

Екипите на сектор Канализација во текот на денешниот ден спроведоа активности за расчистување на шахти, отпушување на атмосферски канализации и чистење на сливници и фекални шахти на следните локации: ул.16-та Македонска Бригада-Автокоманда, бул.Партизански Одреди-Карпош, ул.Народни херои-Кисела Вода, бул.3-та Македонска Бригада-Аеродром, ул.Никола Карев-Центар.

Воедно апелираме граѓаните и сите корисниците на канализациониот систем во град Скопје да се однесуваат одговорно и совесно, бидејќи истиот не претставува место за одлагање на секаков тип на отпад.